قلم ناهد ابراهيم احمد
ألقاها
إحساسي بيقول ألقاها
وأتمتع بالنسمة معاها
وأغني ولكل الناس
دي الفرحة عندي في لقاها
متتغيبيش عن قلبي كتير
حسي بيا في التأخير
داقمري بيغيب عن عيني
ونجومي بتغيب في سماها
إحساسي بيقول ألقاها
وأتمتع بالنسمة معاها
ويدور بعنيا ياعمري
بين كل العالم والكون
وأتخيل وأتمني تجيني
وتحسي بعاشق مفتون
مكتوب أتعذب وأدوب
ومافيش م المكتوب دا هروب
فين ح أهرب من أحلي عيون
بتخليني ف حبك أدوب
بتعذبنى الدنيا كتير ويضيع بهواكي التفكير
وألقاني ببكي وأغني
قربك أو بعدك تغيير
معرفش الفرحة إلا معاكي
وقمري بيكمل ف سماكي
ولا عمري باسمع ياحياتي
صوت في الدنيا إلاناداكي
أنا بيكي بانسي الأحزان
ولاأخافش أبدآ يازمان
ماتجيني تنسيني همومي
لجل أفرح كده م الوجدان
الشمس ياعمري بتكويني
والبرد مأثر ف جبينيي
وأتحمل وكثير أه ياعمري
وماختفش غير إنك تنسيني
قلم ناهد ابراهيم احمد
ليست هناك تعليقات:
إرسال تعليق