وصية اب
عبدالمنعم عدلى..مصر
كلام من دهب
هقوله لك ياولدى
زمان وأنا قدك
أبويا قال لى كلام
اسمع ياولدى
أمانة عليك
لما تكبر
ماتشيلنيش فوق حملى
كفايا عليك
تأكل وتشرب وتنام
ولاتأخذ مصروف
وتعمل فيها أبو عرام
بكرة تكبر وما
تعرف تعيش ولدك
بلاش تحرجنى
أدام الناس
ويقول الناس
البذرة دى
مش نافعة
وفى الممات
شيل كفنى
وخليك راجل
ولايقول الناس
موت أبوه
من كتر همه
إوعاك ياولدى
تحط رأس أبوك
فى الطين
ولاتخليه يتأسف عنك
كبير من صغر سنى
علم على الصارى
فى وسط أهلى
ولا يوم تكسر ظهرى
وما تسمع كلا أصيل
وتعيش عويل
وسط أهلك
خليك أصيل
ولو عشت
على حصوة رمله
بكره الزمن يتغير
ويرجع الأصل
الى أهله
بقلمى عبدالمنعم عدلى
ليست هناك تعليقات:
إرسال تعليق