كله ماشي
شاعرالعاميه جلال محمد
........
كله ماشي بألف وش
يقبلوك بوجه بشوش
ومن وراها كل غش
وبكلامهم يدبحوك
وبنظراتهم يألموك
وبلسانهم يطعنوك
وكمان يعيبوا فيك
ويجيبوا الحق عليك
بالبهتان والغش
كله ماشي بألف وش
زي المناشير
طالعين نازلين
وف سيرتك
واكلين
خلاص.... بقينا ف زمن الغش
وإللي
يقولك إنت الحبيب
وكلامك
أطعم من الذبيب
دول
عملوا كل العيب
عاوزينك
تعيش بألف وش
تغدر وتخون
وكمان تغش
وإن شفت سمكه
تقول دي قرش
تفتكروا هنكسب؟
لأمفتكرش
..............
ليست هناك تعليقات:
إرسال تعليق