عدنا الف
عدنا الف
وكلشي اشترينا ولسة بعدة يلف
عدنا الف
لا ظل الصمون و كمون ومعجون
عدنا الف
وبعدة بجيبنة يرف
عدنا الف
تعبنة من المشترى
و تهنة بين المي والكهربا
بس عدنا الف
و يومنة نكضية نلف
و دوخنة ذاك اليوعد ما يوف
عدنا الف
صخام تصخمنة من زمان
يوم تلتجمعو علينة الحكام
وقسمونة كل واحد جماعة افلان
بس أمانة عدنا الف
ولساتة بجيبي يرف
و كالو... صبرو يجوز الجماعة
يجيهم يوم.. اليرف
ونلكاهم مثل.....
عدنا الف
لا قيمة عندة... ولا يوصلنة يرد
حيرنا هذا الالف
ناس وجماعة وتجمع واحتجاجات
وهذا الصاح وذااك الوكف
ولايصة الناس بشهرها... من
شكلة.... ومن طولة..... من يجف
عدنا الف
عدنا الف
شباب تحلم بالعرس وماتحصل
ويريد لكمته تلف
ومستقبلها ما فد يوم اليرف
ضاع بين مرشحي الحزب
اكلكم عدنا الف
عدنا الف وبعدة بجيبي يرف
ضاعت اعمارنة بين
حافر ونعل
وحتة احلامنة
ذابت من أمس
وماضل بس الخبز
عمي صرنة نفرح
بس بنوم والحلم وهلف
عدنا الف
وبعدة بجيبي يرف
د. أسيل معين شعيب
ليست هناك تعليقات:
إرسال تعليق