ظلال الماضي (435)
إستنى إستنى يا شوق
ما تجيش
أنا قافله فى بابي
وهعيش للماضي
فما تلومنيش
وهربي ولادي
أيام أوقات وبحن ساعات وأهرب
من نفسي
عايزاني أبص لبكرة وأعيش وأهجر
ليل أمسي ..
ما خيوط الذكرى محاوطه كياني
وطوق في أيديه ..
راسمه لي طريق لا أنا هحلم فيه
ولا أحن لدنيا
وأكتم جوايا في أحاسيس خوف
ليبان في عينيه
ما الورد هتدبل أوراقه
إن حضنه نساني
وهيكبر شوكه يجرحني
ويشوفني أناني ..
هغزل للروح من الندى
ليل بوح
وأشكي مع حالي ..
وهلكفت أحاسيس وأدارى ورا ظل الماضي
وأبني في جدار
على باب داري
وهعيش لولادي
ووداع يا ربيع أحلام بتطوف نسيتها مكاني
ولا لحن لأيام هعزفها
ولا هعشق تاني
بقلم .. صبري رسلان
ليست هناك تعليقات:
إرسال تعليق