وتعالي
وتعالى نسجو من صدق ثوب
ونخيطوه حسن ماكان محبوب
مانخليو لبليس منين يدوز
مايدير بينا هوة ويفوز
لهروب لربي احسن مكان
سعدي ياسيادي بالقرءان
وانا في بابو نترجاه
سنة ومحبة كتاب الله
نسجد نركع ياك منخالف
معبودي في قلبي موالف
غفار ذنوب تكون شلال
قسمتي وتكون من عز لحلال
حاجتي عندو مولاي تقضى
كل ماعملت بيها ياك يرضى
ياك داك من سير ديك لجبال
علا سما وبسط الارض بقوال
مازال في ملكو عالي عال
ربي ربي يامحلاها
ياك ف لساني كيف ننساها
بقلم صقر الحروف الزجال المحجوب بوسبولة
ليست هناك تعليقات:
إرسال تعليق