مش عايز أفتكر
اللى باعوا واللى خانوا
واللى وصلوا العقل لجنانه
مش عايز أفتكر
اللى خلوا القلب فى حالة انتظار
واللى خلوا جنتنا تبقى نار
مش عايز أفتكر
اللى خلونى فى حالة دفاع
عن الطيبة وحسن النية
مش عايز أفتكر
اللى خلونا نخاف نقول
كلمة حلوة ونبتسم
مش عايز أفتكر
اللى سابنى فى عز تعبى
وإيدى ليه كانت السند
مش عايز أفتكر
اللى كلامه كله عتاب
ونفسه يوم أنا انكسر
مش عايز أفتكر
إن يوم كنت أنا الطبيب والدوا
وإن القسوة منهم للأسف مالهاش دوا
مش عايز أفتكر
إن عايش فى الدنيا وحيد
وسط لمة مزيفة
أيوة أنا اللى مش عايز أفتكر
كلماتى: بسمة سماح
ليست هناك تعليقات:
إرسال تعليق