****************************
حبيبي أرحم دموع عينيا منت نصيبي من الدنيا ديا
ليه بتنساني وتنكر غرامي وحناني هو أنت مش ليا
يا ناسي الوداد كفايه بعاد العمر قصير وسبتني للسهاد
شوف حبي وحناني متسيبني وحداني يا نور عينيا
*******
حبيبي من شدة الشوق اليك جيت ألومك واعاتب
يا نن عيني مستحيل العين ف يوم تعلا ع الحاجب
فاكر ليالي هوانا والسهر عارف انت لعيوني نظر
وغلاوتي عندك كفاية بعاد هواك هو اللي عليا غالب
*******
فين الوداد اللي كان بينا ليه كده نسيتوا قوام
ارحم دموعي ف وحدتي وخفف عليا بالملام
سبتني والقلب خايف وذبلت عيوني والشفايف
وانا اتعذب مع ذكرياتك طول الليالي والايام
*******
قولي ايه الحكاية مين اللي خلاك عني تميل
اوعى تنسى ليالينا وحبنا وكلامنا الحلو الجميل
تعالا متتعبش قلبي تعالا ليا وخليك هنا جنبي
مش دا العشم فيك وانت شارب من مية النيل
*******
انت متعرفش يغالي حبي ليك ولا لهوايا نسيت
ياما كنت بنده عليك بدموعي وانت ولا رديت
ليه كده بتعذبني هو انت ناوي ف بعدك تلوعني
يا ضي عيني ليه مترد عليا لما انا باسمك ناديت
*******
لحد امتى انا ح صبر على عذاب هجرك واداري
كل يوم ليك راي وانا اكتم عذاب روحي واسراري
متقولش أيامنا راحت م القلوب من بعدك ناحت
وانت بعيد عني ومش عاوز تجي تطفي ناري
*******
ما قلبي اتجرح وخلاص وبقيت سهران الليالي
وحياتي متسيب الزعل وحياة حبي ليك ياغالي
شوف ايه اللي حصل لينا والدمع مالي عنينا
اه منك يا جارحني ومعذبني ومغير أحوالي
*******
بقلمي...محمدالباشا/العراق
ليست هناك تعليقات:
إرسال تعليق