في ساعة غضب
افترقنا
ومن وقتها عدت سنين
مش عارف احب
مشتاق للحب
واحشني الحب
ونفسي احب
ومش عارف
انا قلبي بينبض
ولا بقي حتة صب
وكل ما اشتاق اليها
وأحن ليها
بسأل عليها
يقولولي
خلي عندك دم
دي لسه عايزاك
ومستنيا علي ذكراك
ولسه حافظه نمرتك
بس انت رن
وقول الوه ياعم
خلي الشرايين
تجري فيها الدم
ونجمع شمل الأحبه
ونفرح بيكم ياعم
كفايه بقي نكد
وكفايه بقي غم
دا الحب سلطان
ما يغلبوش جان
وسيبك من كلام الناس
وولاد الخال والعم
وبلاش تقول
مش عارف احب
ومشتاق للحب
وواحشني الحب
ونفسي احب
لأنك غرقان
في نهر الحب
ساعة غضب
بقلم
احمد محمود
من ديوان سكة العاشقين
ليست هناك تعليقات:
إرسال تعليق