أحنا قادرين ع التحدي
من غير خجل او كسوف
قرب انت بس لينا
من غير رعب بص شوف
شوف بقلبك مش بعينك
وبعد عنك كل خوف
أحنا قادرين ع التحدي
أحنا جوانا أمل
أحنا ناس عايشين معاكم
بس شويه مختلفين
أختلافنا لينا قوة
أختلافنا لينا دعم
أختلافنا أصله ميزة
سواء زيادة او اقل
أحنا قادرين ع التحدي
أحنا كلنا طموح
بكرا جاي مش بعيد
أحلى وأجمل بالتأكيد
وإللي بيسأل أنتم مين
أحنا ناس منكم هنا
قلوبنا بيضة طيبة
أطفال.. وشباب
بنات... وولاد
و أختلافنا عنكم أختبار
أختبار من ربنا
أحنا قادرين ع التحدي
أحنا قدمنا هدف
ف اللي رافض وجودنا
وإللي رافض دمجنا
وإللي بيجرح فينا
ويجي يتنمر علينا
نحب نقوله كلنا
أحنا قادرين ع التحدي
أحنا جوانا أمل
بقلمي رقية خالد
ليست هناك تعليقات:
إرسال تعليق