بلاش نحكم
بلاش نحكم على المنظر
في ناس جواها متكسر
وتشوفها صالبه العود
وناس ضحكتها رنانه
وطول ليلها تعبانه
وشقيانه من أجل القوت
بلاش نحكم بتفكيرنا
علي ناس غيرنا
وسيبها لربنا المعبود
ومين عالبشر مسنود
ممشينا وساترنا
وعالقليل محمود
في ناس الصبر موالها
وبإيسه الإيد وساجدبها
فاهمين الدنيا وبايعينها
وتوكالهم على إله موجود
نحكم بس عالموجود
بلاش نحكم على العنوان
سطور جوانا بدون عنوان
ولولا الرحمة من الرحمن
بيفتح الف باب مسدود
ومين عالبشر مسنود
في ناس ماتملكش غير توبها
وغير يومها وغير قوتها
وحاسدينها الف حسود
ومين عالبشر مسنود
سيد حجازي
ليست هناك تعليقات:
إرسال تعليق