أدور ياناس أريد اللي يطفيه
كل ما اقول بَرد لو شفتك من جديد
تكويني
ذبلت بمحبتك زهور صباي
وبريحك طفت شمعة سنيني
اعوفك وأحط ملح عالجرح
بس من أشوفك نار تكويني
مايكفي ضعيت العمر وياك
وضاعت سنيني
چني حطب لو شفتني بالنار
ترميني
أتنفس بضيق الدخان
وأقول
هسه يحن علي قلبه ويطفيني
لونك ثوب لاخلعك وارتاح
والبس كل يوم ثوب غيره
تلاقيني
احبك شنون والله مدري
أدور عزة نفسي وياك
لو جت سيرة أسمك يبچيني
أنت حلم عشته بخيال الغفوة
على عزف صوتك موسيقى
تصحيني
محتاجلك حبيبي ومحتاج
واحد يفهمني يحاچيني
من زينك سويتك زهر وحرامية
العشق غزت بساتيني
سولف شتريد آني اسمعك
خليني أفهم شتريد خليني
ترى بغير حبك أنا ناقص دين
واريد بحبك أكمل نص ديني
شهناز العبادي
ليست هناك تعليقات:
إرسال تعليق