من كام سنة
كنت :
عيل صغير مابشيلش هم
كنت طفل
( بجري وألعب )
وأقول : ع الأكل مم
جيت من قنا
من آخرالصعيد عشان أحلم
بعد النكسة؟
سافرت مع أبويا السويس
كان راجل
على أد حاله لكن ( حسيس )
كرامته.
فوق كل شئ غالي ورخيص
بيشيل ( رمل وزلط ) لجل يبني
الصباح وفيصل والأربعين والهاويس
كنا في هزيمة
لكن كانت ( جوانا قوة )
صحيح السويس إدمرت
بس كانت ضحكتها حلوة
فيها الخير والشر معروف بنزوة
كان فينا :
واحد بس طماع والباقي عزوة
تعالى شوف حالنا دلوقت؟
ح تلاقيني أنا ( كبرت )
وشلت الهم من بدري وعجزت
ومصر كلها البنت؟
بعد أبويا؟
مالاقيه راجل يبنيها تاني.
زي ما أنا حلمت
وعجبي
من: ذكريات
حربي علي
شاعرالسويس
ليست هناك تعليقات:
إرسال تعليق