فيك عيروني
مابعرف ليش فيك عيروني
وقالولي يعاشق إنت كافر
وبأيا جرم قدروا يتهموني
حتى نسوا إني بكون شاعر
إفتكروا بكيدهم رح يقهروني
وحتى يسكتوا قلام المنابر
الظاهر هالأغبيا مابيعرفوني
ولا بيعرفوا إني سبع كاسر
المفروض يفكروا قبل مايسألوني
ويواجهوني إلي بالشكل المباشر
بدل ما يفتروا عليي ويكفروني
ونسوا حرية التاريخ المعاصر
ماقدروا بيوم عنك يبعدوني
لأني بي فنون الحب شاطر
وعكس ذللك مافيهن يجبروني
إذا بنوي على الفعل المغاير
إذا حبك كفر بكفري تركوني
كافي تغمدوا بظهري خناجر
تركوني عايش بنشوة جنوني
وبعشقي إشغل خشاب المنابر
.......بقلمي
الشاعر عيسى وسوف باظة
ليست هناك تعليقات:
إرسال تعليق