(كلمة مبروك)
كلمة مبروك حتى ما قالهاش
ولا فكّر يوم حتى يهنّي
من بعد ماقاللي أنا ما أستغناش
أهو راح وإستغى أكيد عني
إزاي بيحط مابينّا حدود
ولا حاول يسأل عن حالي
كان يعني أكيد ومن المفروض
كان أول واحد قالهالي
ليه بعد ما راح بقى وإستغنى
ماعملش ولو نص محاولة
وبحكم العشرة اللى ما بينّا
كان قالها ولو حتى مجاملة
أنا بس بقول ده من عشمي
مفروض كان يدعم ويساند
كل إستغرابي أكيد يعني
إتغيّر ليه وأصبح جاحد
ما أنا ياما كتير يعني ساندتُه
ووقفت معاه في أوقات ضيقتُه
وتملّي عليه دايماً بسأل
ولا عمري إتخليت أو سيبتُه
وف فرحه أكيد كنت بجاملُه
وف وقت الحزن بكون ضلُه
ف أكيد كل واحد دلوقتي
بقى يعمل يعني بقى بأصلُه
بقلمي عبدالحميد وهبه
ليست هناك تعليقات:
إرسال تعليق