تمن الحلم
سنين عايشّنها بنعاني
نقاسي من مرار الظُلم
لا قولنا كاني ولا ماني
ودوقنا الذُل وايا الهم
وراضيين يعني بالمقسوم
نقول نعمة وياريتها تدوم
ولو جينا وحِلمنا في يوم
بندفع حتى تمن الحلم
سنين عايشنها بنعاني
نقاسي من مرار الظُلم
سنين بتفوت وراها سنين
نحاول بس نتأقلِِّم
يادوب فيها أكيد عايشين
ويوم ورا يوم بنتعلّم
لكّنّ علامنا مش فادنا
مافيش حاجة أكيد بإيدنا
ولو كان يعني هيفيدنا
أكيد كنا هنتكلم
حلم الغلابة له تمن
دافعينُه واللَّه مُقدماً
من دمعُهم من جرحُهم
من حزنُهم طول الزمن
لا جُم في مرة وإشتّكوا
ولا حتى يعني في يوم بَكوا
كان حلمُهم طول عمرُهم
تيجي لحظة فيها ويضحكوا
بقلمي عبدالحميد وهبه
10/7/2023
ليست هناك تعليقات:
إرسال تعليق