لما لاقيت الكل بيحكي
كلمة شمال مع حرف يمين
ولاقيت كله كلام مُستَهلَك
مافيهوش حاجه تُسر العين
قولت بدال أنا م أمشي وراهم
نفس السكة وأعيد وأزيد
لأه أختار أنا نهج لنفسي
وأبدأ يعني بفِكر جديد
قولت هحاول أطوّر نفسي
وإنّي أتحدّى بجد الخوف
يعني أختار الكلمة النادرة
في كلام عادي ومش مألوف
جايز تبقى الكلمة عادية
كل الناس طبعاً تعرفها
بس قيمتها أكيد مش هيّ
محتاجة يعني اللّي يوظّفها
وكلام تاني الناس تحكِيه
ليل ونهار عايشين كده فيه
ده بيقولُه وده بيعيدُه
ومش فاهمين أصلاً معانِيه
بقلمي عبدالحميد وهبه
ليست هناك تعليقات:
إرسال تعليق