*******************************
انتي عارفه الشوق وليالي الحنين
انتي بترقصي وتغني وانا زي المجانين
انا تعبني حبك وعذبني بعدك وقربك
وانتي زي ما انتي ولا دارية بالسهرانين
*******
بحبك وبهواكي وانا ف عنيكي مفتون
تعالي واسألي عني وارحمي دمع العيون
مين اللي غيرك حيرني
مين اللي غيرك سهرني
واتمنى ربي ع بعادك يصبرني
وكل دا باقول شدة وتهون
وترحمني من كتر الظنون
فينك يا نور العين بس قوليلي انتي فين
*******
انتي عارفه الشوق وليالي الحنين
*******
خليني أبص ليك وخلي عينيا تجي ف عينيك
ابص ف صورتك وافرح وابكي عليك
ابكي ع الزمن اللي خلاني ابات وحداني
وابكي ع القمر اللي بعدك جافاني
وانا اللي تمنيت ايدي تبقى ف ايديك
طول العمر والأيام والسنين
*******
انتي عارفه الشوق وليالي الحنين
*******
كنت بتمنى يطول بينا ليل السهر
وكل لحظة انتظر تطل عليا يا قمر
وطال الانتظار وقلبي فيكي محتار
ما بين تجيني وبين تسيبيني وعلى كده العمر عدا وعبر
وبعد كل اللي راح يبقى كل شيء ليك رهين
*******
انتي عارفه الشوق وليالي الحنين
انتي بترقصي وتغني وانا زي المجانين
*******
بقلمي....محمدالباشا/العراق
ليست هناك تعليقات:
إرسال تعليق