................
صعبان عليا عمر
ضاع ولا عيشتهوش
ورا كل قرش جريت عليه
ولا سبتهوش
تايه ما بين جدران وجع
وألوان وشوش
محروم لا قلبي ما أبتسم
وغرام يشوف
ولا عين بكحله تترسم
من كتر خوف
تاهيت ملامحي فى غربيتي
وأنا ليه وحيد
وقولت أكمل نص ديني
وثوب جديد
عشيمت حالي بكام ولد والمال في أيدي ملوش عدد
والعزوه عيد
الغصن بور ما يجيب ولد
والصحه لا كانت سند
والليل طويل
لا نفعني مالي وجاه الولد
وهعيش وحيد
والشيب يوماتي بيتولد
صدا الحديد
أبكي على عمري اللي راح
ولا على طعم الجراح
وأحزان تزيد
لا المال هيرسم ضحكيتي
ويرد عمري وصحيتي
ومن همي شيل
وزي ما بتديك بتاخد
كله دين
غربه قاسيه فى مره
وشهدها منظور بقالوا وقال لها
ونهايته عين
بقلم .. صبري رسلان
ليست هناك تعليقات:
إرسال تعليق