تلاقي حواليك ناس
زي حيطان مايلة
لا تقدر تسند عليها
زي خيال المأتة
وزحمة حواليك خايلة
زي العدد في اللمون
وتخيب تملي الظنون
والعدله تلاقيها مايلة
يادنيا كفاية بقي
واعدليلي كفة المايلة
زهقت من دي وشوش
عليها حبة رتوش
متذوقة قوي وخايلة
من القلب دايما داعيلهم
بالقوي خايف عليهم
وهما الكره ماليهم
يا ملامح كدابة وخايلة
الزمان بيني وبينكم
واكيد هينصفني عليكم
وتتعدلي كدا المايلة
يا زمان ليه قاسي عليا
طول عمرك تملي تنقطني
بدل ما تسقيني الحنية
واكتافي من الهموم شايلة
يا زمان كفاية تعاندني
دا الحزن عشش في قلبي
والضحكة هربت من عيني
والنوم حلفلي يجافيني
والنار في الحشي قايدة
خلاص والله تعبت
بقلم
احمد محمود
من ديوان حبة رتوش
ليست هناك تعليقات:
إرسال تعليق