عدّى الوقت
بعد ما عدى الوقت وفات
بعد ما روحي سكنها آهات
بعد الشوق ف القلب ما مات
دمع العين بقى ملو كاسات
نبض القلب اتملى أنات
جاي وراجع ليه دلوقت
كنت بقول على حبك قدري
كنت معاك وواهبلك عمري
نجم سماك وعيونك قمري
كنت الضي ف ليلي وسهري
كنت مسلم للشوق أمري
وأنت بتخدع طول الوقت
مهما هنفضل كده تتكلم
مهما هتشتكي أو تتظلم
عمري ما هرجع ليك وأسلم
عايشه الروح فيا بتتألم
جرحك لسه ف قلبي معلم
بس خلاص م الماضي اتعلم
أيوه خلاص م الوهم أنا فقت
راجع بعد ما زمنك كسرك
بعد ما ندمك جواك أسرك
بعد ما عشت الحزن محاصرك
جاي وفاكرني هموت على وصلك
لو محتاجني بجد أسامحك
رجع تاني ما بينا الوقت
هات أيامي اللي انت سرقت
عدى الوقت
بقلمي/ خالد جمال ٢٠/٧/٢٠٢٥
ليست هناك تعليقات:
إرسال تعليق