.........................
مش كل حضن أمان
ونسيم في صيف حرمان
حتى السند ده كمان
ياما جار عليا
عمري اللي راح ده دموع
والشوق عذاب ممنوع
ياما قيدت غدرة شموع
وأكدب عينيه
سقى قلبي وهم وعود
وزرع لي مره ورود
أغزل له ليل موعود
ما يحن ليا
أنده في صمته برود
وأشتاق له هاده حدود
أفرش رموشي شهود
خان ليل عينيه
هو الحلال مرفوض
لون شهده عطر ورود
في هناه دواك موجود
قرب شويه
غاوي الحرام والنار
وتخطي ألف جدار
مات الأمل محتار
ما الطبع غيه
هبعد خلاص مليت
من وجعه أنا إستكفيت
ياما دوقت مر ياريت
ده ما كانشي ليا
هقفل في بابي وأعيش
وأتمنى ما تشوفنيش
غدرك ما بيسبنيش أغمض عينيه
بقلم .. صبري رسلان
ليست هناك تعليقات:
إرسال تعليق