زي ماترابك
اللي دمنا سال عليه شاهد علينا
إحنا فداكِ نموت لجل ترابك
ولاحد ياخد مكانك اللي ساكن فينا
وحياه ولادك محمد ومينا
اللي بس يفكر ذرة واحده أنه منك يقرب
يبقي بيعدينا
ساعتها مش هيطلع عليه شمس نهار
وآخرته بتنادينا
ولوهما نسيوا 6 أكتوبر 73 واللي حصلهم
إحنا عمرنا مانسينا
دي ذكري العزة والكرامة والفرحة اللي بجد
اللي رضت الروح في كل واحد فينا
بنصرها حيت الآمال جوانا
والفرحة بتنادينا
ياروح كل بطل من ولادنا على ارضها مات
لروحك الطاهره مليون سلامات
إحنا لكم ياحبايب عمرنا مانسينا
عشان لولاكم ماكنا ولا كانت سيناء
بقت في حضننا وبين ايدينا
و العالم كله شرق وغرب شاهد لينا
رجال أبطال فدت بروحها ارضها
والنصر كان فداء لسيناء
بقلم عبد المنعم مرعي
ليست هناك تعليقات:
إرسال تعليق