خلاص مابقتشي فارقة معاك
خلاص هتروح وتنساني
خلاص كده عمري ضاع وياك
خلاص هتسيبني وحداني
دانا عرفتك أرق ملاك
وملِّكتك في وجداني
بقيت شايفك ف عيني هلاك
كأني هويت واحد تاني
بقت عيني بتترجاك
من الدمعة اللي كوياني
بقت روحي يوماتي معاك
أنين عايشاه وبتعاني
مانا استاهل عذابي معاك
وجرح الروح وأشجاني
عشان جاهل أمِنت هواك
وهبتك عمري مجَّاني
عشان ماظلمت قلبي معاك
وسلمته لواحد جاني
وقلت الكون براح وياك
أتاري هواك ده سجاني
مانا استحملت ذلي معاك
رضيت بخضوعي وهواني
عشان ضحيت بعمري فداك
بكل حياتي وكياني
ويوم ما احتاجت اعيش ف حماك
لقيتك ندل وأناني
ده يوم ما تسيبني يوم ما أنساك
وعمري هعيشه من تاني
وزي ما قلبي هان وياك
تهون والروح مطوعاني
بقلمي/ خالد جمال ٢٩/١٠/٢٠٢٥
ليست هناك تعليقات:
إرسال تعليق