لو أخلصوا الناس فى الدعاء
لا ح يبقا ع ضهر الارض ظالم
ويكون التواضع لله بالإنحناء
يغير الغفلة ف قلب كل حاكم
وتبتهل كل القلوب لله بنقاء
وجبر خاطر المحتاجين الفقراء
والدين المعامله بروح وصفاء
لا حيبقا ظُلم ولا غصة مظالم
وعيشووا الدنيا بنُكران الذات
وافتكروا الموت فى أى لحظة آت
لا له مواعيد ولا شفره ولا علامات
ولا يعرف أوصاف ولا أى مسميات
ولا يفرق بين المظلوم والظالم
إفهموا الدنيا من الإنجيل والقرأن
دنيا فانيه أنوارها فخ لكل انسان
لا تعرف إنسانية ولا ليها أمان
واللى يطيعها مخرجش منها سالم
لو أخلصوا الناس فى الدعاء
جوه انفُسهم قبل نُطق اللسان
وأدوا العبادات بصدق الأبرياء
عالم الظُلم مش ح يبقا ليه معالم
..........................................
....... د/ حسن الشوان 🇪🇬 .......
ليست هناك تعليقات:
إرسال تعليق