انتي جار عليكي الزمن
ولا من تعب السنين
هي الناس اتغيرت
من حاكم ل محكومين
نفسي اقولك كل حاجة
بس اللي باقي مني
يجي حبة حروف تايهين
أصرخ واقول الأه
وانتي اللي زيك مين
طول عمرك فاتحه أحضانك
من أقصي الشمال ويمين
والكل كان عايش من خيرك
ومين غيرك قوليلي مين
وكل اللي يجي علي بابك
بنفرشله الأرض دي فل
وياضيفنا الكل خدامك
ونورتي ياست الكل
لكن. لما ضاقت احوالك
وكل اللي فاكرينهم أحبابك
طلع جواهم حقد وغل
بالمال. بيتأمروا عليكي
ومين يقدر ياست الكل
يا مصر بأرواحنا نفديكي
ولا تشوفي في يوم ذل
طول عمرك رايتك مرفوعه
بترفرف فوق روس الكل
وطول عمرك يابلادي ولاده
وولادك ما بيعرفوا ذل
ويا مصر الأيام دواره
وراجعينلك راكعين وبذل
مذكورة في قلب القران
ومحفوظة من رب الكل
بحبك يا مصر
بقلم
احمد محمود
ليست هناك تعليقات:
إرسال تعليق