جايلك يا حبيبي انا ف السكة
جايلك دانا واقف على تكّه
مشتاق لعنيك والشوق بينا
ناره قايدة ملهلب ف الجتة
جايلك يا حبيبي بسرعة أوام
جايلك بس اوعى يا روحي تنام
ازاي هتنام وتسيب قلبي
دانا جايلك شايل أحلى غرام
جايلك والشوق جايبه ف ايدي
وبينده ليك نبض وريدي
جايلك والقلب مشعلل نار
حتى اسمع كده صوت تنهيدي
جايلك يا حبيبي ومنى عيني
أخدك على طول بين دراعيني
جايلك ومحوِّش أحلى كلام
ده غيابي عليك كان على عيني
جايلك يا حبيبي تعبت خلاص
جايلك يا أرق وأغلى الناس
ماهو أصل هواك مفتاح قلبي
ولغيرك قافله بميت ترباس
وحشتني بجد يا عمري عنيك
وهاموت وتحس ايديا ايديك
مانا أصلي عشقت يا خلق ملاك
اسم الله ياواد عيني باردة عليك
جايلك يا حبيبي
بقلمي/ خالد جمال ١٢/٥/٢٠٢٦
ليست هناك تعليقات:
إرسال تعليق