اللي يعيش في الدنيا
دي ياما يشوف
واللي يمشي يشوف اكتر
ناس ساخطة وناس تشكر
كل واحد فينا جواه
قصص و حروف
قصص. مليانه سعادة
وحكاية مليانه بالخوف
قانون الدنيا ساعات. ظالم
وساعات للعدل اكون ملهوف
وأموت م الخوف
من. دعوة مظلوم ليا
والدمعة تنزل من. عيني
من كتر الخوف
ناس سيرتها طول. العمر
وناس. ذكراها لحد القبر
وناس قصتها مكتوبة
وناس روايتها مرسومة
وناس حكايتها كمان شخابيط
وناس علي. كل الألوان
وناس الوانها بهتانه
وناس صحتها تعبانه
وناس راضية وفرحانه
وناس عيونها مليانه
وناس لو. ملكت. الدنيا
مكشرين ومش راضيين
وناس. فقراء قوي وراضين
حامدين وكمان شاكرين
هما دول المكتوبين
والمرسومين بكل. الالوان
مزهرين و منورين
والوانهم. مش بهتانه
اصل الدنيا
قصص و حروف
بقلم
احمد محمود
من ديوان بنا حروف
ليست هناك تعليقات:
إرسال تعليق