أنا لسه راجع
من قسم المواجع
بعالج فى قلبى
من حادثة غرام
وممنوع عليا اعشق عيونها
وممنوع ضروري
أعيش دور هيام
وقلبى وجعنى
من كبت المشاعر
وقلبى وجعنى
من كتم الكلام
وسهران ليلاتى
انادى واهاتى
مفيش حد سامع
مفيش اهتمام
.............
أنا كاتب وشاعر
بفصل مشاعر
وابيع لك معانى
واستف كلام
وبينى وبين السعاده مشاكل
وبينى وبين الانبساط
فيه خصام....
وحاسس كأنى..عايش
ودايما فى حالة انفصام
أو يمكن تقولوا....
قضى الليل بطوله..
يعيط لأنه تايه في الزحام
وفى آخر حياتى...
أبكى ليلاتى...
وعايش لوحدى..
ماعنديش مدام..
ونفسي تيجي لى نهاية حياتى
ضروري وحالا..تيجي لى اوام.
وبكره حاتنسوا أسمى ورسمى
ويفضل حقيقى لله الدوام.
........ .........
بقلم نصر سيد بدر طلحه القاهره
#اشاره
ليست هناك تعليقات:
إرسال تعليق