حق الفيتو
..................
بقلم الكاتب
محمد عباس
الاسماعيليه
.................
ليه بنفرق بين احباب
ليه عايزيننا نعيش احزاب
سد بيبان الشر وحاسب
دبر فكر اللي مناسب
هفوه ويطلع حق الفيتو
يخرب بيتها ويخرب بيته
اوعك فاكر تبقى نسيته
ولا في بعدك تبقى عديته
قوم اتوضى وفكر حبه
لو في تجاهل يبقى لغيته
ولا لوش لازمه حق الفيتو
الغوا صداقه ان حبيته
جايز مره تقول حبيته
ازاي تقدر تدخل بيته
بعد ما بعته وتحديته
بعد ما حقرته وهديته
مره والف قبل الفيتو
جوه جسور الخير عديته
شد ازار البطش عميته
ولا في تسامح والا تصالح
هفوه وضاع كل اللي بنيته
ولا لوش لازمه تعمل ازمه
انتم اخترتم طريق ومشيتوا
وشهود شافوا كل ماضيكم
بعد الغدر مافيش حبيته
بص وراجع اللي جنيته
قبل ما تندم على اللي هويته
واتداري وشك لما لقيته
دنيا وماشيه معنا بالعكس
نشرب شاي او كافي ميكس
نشرب قهوه لما بنهوه
او نتغدى بلقمه مش
ناس فرحانه وناس مبسوطه
ناس شقيانه وشربه الكوته
وناس احلامها لقمه شريفه
راضيه وعايشه بجنيه قوطه
كله عايش اجره على الله
لافي ايد فارس والافتح الله
لما تشوف الخير بيزيد
اول حاجه قول ما شاء الله
ليست هناك تعليقات:
إرسال تعليق