الشاعر والاديب جاسم اللامي اللامي
رجفنه اشاه گلنه مو برد والموت جدامي
تغطيني چذب مو تنخر اعظامي
سمجه امزوهره ترفس بنص الماي
هذا الصار ويه اسنيني ويامي
اسولف عالوكت مو وكت بس اهموم
ما عندي امل ابيقضتي او احلامي.
لو جار الوكت ايشگك عليك اهدوم
اوحتى التلبسه يگول الوكت دامي
الجرح الما. شفه گلي علاجه اشلون
او امنين الطبيب ايداوي آلامي
الجرح اچبير والماصار عدنه ايصير
الصارالما يصير اونكست اعلامي
صرنه احنه مثل ام اوطفل مفطوم
من الجوع يصرخ امن العطش ضامي
يا گلبي عليمن آنه اذب اللوم
علي لو على اللي گال الك حامي
2022/8/31 اغسطس الاربعاء
ليست هناك تعليقات:
إرسال تعليق