جميل وجماله رباني
وحاسس بيا وحنيّن
ماليش بعده حبيب تاني
وبٌعده عليا مش هَيِّن
ف قربه الفرحة وخداني
وبلقى الكون ده متزين
تغني طيوري ألحاني
ووردي عليا بيميل
بيقرى ف عيني أشجاني
يكون مهموم ولا يبيِّن
ف عشقه صريح وحقَّاني
لا عمره يخون ولا يخوِّن
دي نظرة عينه ساحراني
وخاله ف خده بيجنن
دي خطوة قده مالكاني
وروعة عوده يا مهوِّن
عاشقها بكل وجداني
معاها العمر متلون
هوانا محال يكون فاني
تاريخ يكتب ولِيه يدوِّن
غرامنا ده من زمن تاني
وقبل الكون ما يتكوِّن
بقلمي/ خالد جمال ٢٦/٩/٢٠٢٥
ليست هناك تعليقات:
إرسال تعليق