لفراقشية دارو مبغاو
لغلا علا لفلوس قلال
خلاو فينا غير للي نساو
امحلفين على فلوس لحلال
وتعلمو فينا تبوريدة
ركبو خيلهم عمرو ميدان
صالو خلقو ديك تنهيدة
دوك للي خلاوني فكعان
كبو ما على فاخر اطفا
طيرو من عينينا انعاس
اجراح ماعرفت سر لعفا
فين السينية وتهرس كاس
مالنا مع حولي ف عداوة
وصبر مازال مالقى مكانو
مال الجرح ماوجد له داوة
حثى المسكين دلى لسانو
بقلم صقر الحروف
الزجال المحجوب بوسبولة
ليست هناك تعليقات:
إرسال تعليق