بلية صابت راس صابت دم
وسواس داك لحشيش غم ف غم
ياللي بايع حوايجو ببلاش
يامكسر لشجرة دوك لعراش
يالعايش في طريق لخطية
قدام لعيون هذي بلية
تشري لداتك هم ياك تهلك
اش من طريق هذي تسلك
بفلوسك تجري وحدك ليها
وتقصر لعمر ياك بيها
شاري سم اسرة راك ناسي
وصبحتي ياخويا قاسي
خاوي بايع حوايجك معرى
داك سم بيدك راك تشرى
ف الاول ياك راها نشوة
ف الاخر تعود مرض وعدوة
ربي ينصر حق بالمخزن
ياسيادي من اغلى معدن
لحشيش يكسر عماد اسرة
ويخرب لبيوت بالمرة
بقلم صقر الحروف
الزجال المحجوب بوسبولة
ليست هناك تعليقات:
إرسال تعليق