مبارك ٠٠٠مبارك
بيترحم عليك دارك
وطيبة لياليك وأيامك
ليك ماليك وعليك ماعليك
واحب اقول ل معاليك
كانت أجمل طلة وهلة
نظرة الحنية والراحة النفسية
اللي طالعة من قمر نهارك
مبارك أجمل أيام عشتها
كانت ايام من ايامك
مبارك ٠٠مبارك
بيترحم عليك دارك
ليه اليوم اللي بيعدي أجمل يوم
وكل مايجي بكرى عليه نلوووم
واه يا نصيبي والف اه يا وعدي
اعيش واشوف عنيها
متكحله بسواد لياليها
و الرعشة اللي ف ايديها
جايه من القلق والهموم
امتى بكرى يجي
يزرع السعاده ف وريدي
وتكتب السما حروف عيدي
واسمع الندا ياغيوم افتحي
كل الأبواب ل امطارك
وتضحك تاني دقة نهارك
الفقير كل حلمه يعيش
الفقير كل همه انه ملاقيش
يلاقي ازاي ياجبال يابحور
وابن الدكتور دكتور
وف عيادتة ماسك للغلبان سطور
يلاقي ازاي وغايبة الامطار
وتايها الرحمة ف الزحمة
وساعة الستر لابسينها وعايشينها
رجال المال والاعمال
وانت يا مسكين فين مالك
مبارك ليك ماليك وعليك ماعليك
واحب اقول ل معاليك
كانت أجمل أيام عشتها
كانت اه كانت ايامك
مبارك بيترحم عليك نهارك
بقلم على عبدالرحيم محمد
