خاب ظني
ليــــــه كل حاجــــــه عشقتها ضاعت معـــــاك
وقت العتــــــــاب بتبان قصادي كتير مــــــلاك
وكأن قلبــــي عليك قـــــــــوي وانا ظلمــــــاك
كان نفســــي أفهــم بس قلــــــي أبقـــى ميـن
كان نفسي تبقي لي السند وتداوي جـــرحـــي
وامان أبوي والــدفى اللــــي ف حضن أمًـــــي
دا الطفل لما بيتـــولد يحتـــــــاج حنـــــــــــان
بس اللـــــي زيك عمــــره ما هيعـــــرف حنين
رسمت صورة حبنــــــا من نــــور عيـــــــــونك
لما قولت أعيش حبيـــــــبي عشــــان أصــونك
عمـــــــرك ما تلقــــى حد غيــــري يخاف عليك
ياما كان زمـــان بيداوي قلب المجــــــــروحين
هعيش عشان انسى الجـــراح وانســى الأسـى
وهقــــول لقلبـــي إنــــه كان ماضــي انتهــــــى
وسلام لأي دمــــــوع حزينــــــــه مش تفيــــــد
كلــــه يمشـــي يلا عــــــــادي سلف وديـــــــــن
مين يصدق إنــي أقســـى فــــي يـــــوم عليــك
كان نبض قلبـــــــــي كـل ثانيــــــه بينادينــــــك
وإســـأل دمــــوعي في بعــــدي عنك بتـواسيك
ولا كنت حـــــاسس باللــــــــي كانت بين ناريـن
ليه تجيب اللوم عليا كنت في عز اشتياق
بتعمل انك الضحيه وتقولِّي ناويه على الفــــراق
هيعملوك تمثال يا قلبي وتبقـى فيها رمز الوفـاء
اللي يخدع قلب حبه مستحيل هيكــــــون أمين
أنا كنت بعشــــــق ضحكتـــــــــــــك أيام زمـــان
أوقات ما كنت بتبتســـــــــــــم وقت الخصــــام
كان فيــه غـــــرام لحظـــــــة أمل د وكان وكــان
ليــــــــــــــه رميت لحظـــــــة أمل ويَّا السنيـــن
أنا هبقــــى حـــــره زي طير فـــي سمــاه يطيــر
وقلبــــــي يحكــــــي وينســــى إنه كان أسيــــر
وامســـح دمــــــوع حـــزن الزمن ويا الاهـــــات
عمـــــري ما اسمــح قلبــــي تانــي يعيش حزين
بقلم الشاعره ضحى القللي
