ماتت من زمان
ولساها ساكنة جوايا
عدت عليها سنين
ولسه عايش علي ذكراها
ليلاتي طيفها بيزورني
بيجيني يلاغيني يسهرني
يفكرني بأحلي ايامي وسنيني
ولاقي. نفسي في أحضانها
مش لاقي حد في. حنانها
بحب الحب علشانها
ومش لاقي. حد. في جمالها
تملي القلب ويا العين
مين قال إن الموت بيفرق
طب مين اللي معايا ليلاتي
علي جناح الحب
يطير بينا وبنشرق وينغرب
ياخدنا لجنة العشاق
وبنبعد وبنقرب
بشوف الجنة في عيونها بتقرب
وبسمع صوتها يهمسلي
وشفايف الورد تلمسني
ويجري الدم في وريدي
وقلبي يرقص من الفرحة
والدمعة تنزل من عيني
يانور عيني
عايش معاكي علي الذكري
وعنيكي السود تبربشلي
تغمزلي تدوبني و تسعدني
ولاقي نفسي جواكي
روح واحدة مابين جسدين
جسد عايش علي الذكري
وجسد حبيبتي راح فين
حبيبتي
ماتت من زمان
لكن لساها جوايا
وبشوفها بقلبي ويا العين
بقلم
احمد محمود
من ديوان. سكة. العاشقين
ليست هناك تعليقات:
إرسال تعليق