كلمات/ يوسف عطاالله
باحسك موجوده بين الكلمات
وفى عدم وجودك
باحس ان الشعر مات
باحسك ماشيه جوه عروق
الحروف
ساكنه جواهم وبينهم طيفك
بيطوف
دايما باحسك وقلمى فى ايدى
يا كل الالهام
باكتبلك من قلبى
وحبرى
هو دمى الى فى وريدى
ماسك قلمى بايدى
وانتى جوايا
حاسك شايفك لامسك
انتى معاه
بجد الهامك جميل
والبعد عنه
مستحيل
ياكلى ياحته منى
قربى كمان
خليكى هنا
انتى والقلم واحد
باكتب بيكى كل حروفى
ياساكنه جوايا
ياعايشه معايا
خليكى جوه ماتطلعيش
خلينى معاكى اعيش
دخلينى عيشينى جواكى
خلينى دايما معاكى
خلى القلم ينقط حروف
خليه جواكى يطوف
ويكتب عن كل احساس
حاسينه
عن كل نظره من عنيكى
عن كل لمسه من ايديكى
عنى وعنك يكتب قصه
وينبض حروف
خليه يطوف
جوه الشعور والاحساس
يلمس قلبك ويحس بحنانه
يعيش زمنك وزمانه
ويسكن جواكى
خليه معاكى
وانا اكتب بيكى
لانى كلى ليكى
كلى ليكى
بقلنى
يوسف عطاالله
ليست هناك تعليقات:
إرسال تعليق