قلم السيد بدر
بقيلي مين بعده ياغربتي بعده
صبرني على بعده يارب قويني
وحدى وطويله سكتي والعتمه كسياها تاهت نهايتها
خوفني خوفى وكل خطوه الخوف يزيد
قلقاني عتمتها
صابره والصبر راس مالي
رافعه إيديا للسما بناجيه يقويني
صبرني على بعده
......
كنت حزمه صبحت عود
شوفت نفسي فى العيون
منهم اللى عليه صعبت
وفيهم فيا شمتانه
يارب انت القوى عوضني قويني
بالصبر على بعده
....
كان لي الدنيا وكان لى الناس
فاضيه الدنيا وفينها ناسها
لافيها اللى أشوفه
ولافيها اللى أقوله
مين يارب سامعني غيرك
مين يارب أشكيله غيرك
شكوتي برفعها ليك قويني فى بعاده
صبرني على بعده
...........
ليست هناك تعليقات:
إرسال تعليق