رسم الزمان تجاعيده
علي كل الوشوش
ولون الشعر بالأبيض
والحاجب ويا الرموش
ملامحنا تاهت واتغيرت
وبقت وشوش غير الوشوش
حتي القلوب اتغيرت
وبقت قلوب وحوش
وناس كانوا حبايب
ننادي عليهم بأعلي صوت
يا خساره ما بيسمعوش
حوش يارب وحوش
حوش ناس ما بيرحموش
حوش يارب عنا وحوش
راح زمن الأبيض والأسود
وبقت علي كل الألوان
الوان افاعي ويا وحوش
نصيحة لولادي الصغيرين
خليكم كده وما تكبروش
واللي في ايدك اضمن من جيبك
حافظوا عليه ما تضيعهوش
زمانكم زمن المادة
واللي معهوش ما يلزموش
واحرص قوي من الصاحب
وفي غير ربنا ما تتعشموش
اصل الزمن زمن وحوش
وحوش يارب عنا وحوش
رسم. الزمان تجاعيدة
واتغيرت كل الوشوش
وحوش يارب عنا وحوش
بقلم
احمد محمود
من ديوان بنا حروف
ليست هناك تعليقات:
إرسال تعليق