احجزلك عندى دور
----------
ان كنت صنيعى شاطر
وبتفهم فى الاصول
والمهنة ليها خاطر
احجزلك عندى دور
تتعلم تبقى شاطر
وتنفذ القناطر
وبجهل اياك تخاطر
وخليك كثير صبور
متبعش واشترى
مش شروة جنبرى
لمة المهنة القشاشة
والناشف والطرى
متبعش واشترى
واتعلم بالاصول
ايه عرض وايه طول
وايه اللى مقصر
وايه وياك يطول
ونصيحة خدها منى
بلاش على الناس تغنى
انا ايه اللى ضمنى
غير كلمة الاصول
وخليك طيب حنين
وبلاش على الناس تميل
ومن عندك بالمحبة
فى حسابك كون لين
فيه ناس موفرها
من قوتها ومن عشاها
خليك دايما معاها
ومتبقاش حنبلى
متبقاش حنبلى
محمد البلاط
ليست هناك تعليقات:
إرسال تعليق