يقول سالي دوم مايعـــرف الزعـل
عايـــش حيــــاته رفاهــــه وفيهله
من سبت الاوضاع قلبه قد انقــفل
كيف بايجيه الهم وقفوله مــــدبله
رغم النكدوالضيق من حوله احتفل
والهـــم والاحــــزان حـــوله تسـلله
يمشي مع الاقدار لومايجي الاجـل
وماكــتبهُ الـله يرضـــــى ويقبــــله
والان يا اخوان شحكــي بماحصـل
ووضعنا كيف كـــان بسـنين الاوله
في موطن الايمان كان يوجدالأمـل
لكــن كــنا شعب نجــحد ونجهــــله
تعليمنا قــد كــان فـي قمــة الجـبل
ايــش الـــذي خـــلاه يـنزل لاسفـله
لاننــا بالعـــــلم نرقــــى الى زحـــل
نتجــاوز الجـــوزاء ونجـــم السنبله
تاريخــنابالامس مشهور فــي الدول
واليــوم يتراجـــــع نحـــو المـــزبله
وضــع اليمن قــدكان مُعشق الدبــل
الى النجاح يمشي خفـــه وهـــروله
واليوم خـرب ياخوان وصابه العطل
كلما طلــــع يرجع خـارب صـــرندله
والشعب مُتشتت قُســـم الى شلــل
والعــلم اصبح فيه لعــبه ومهــــزله
لاعــادفي تدريس وخلاص في العمل
او جُهـــد فــي الطلاب الكـل مهمله
بارض اليـمن كامل قــد خيم الفشل
ولجهل والتضليل فـي الناس مشكله
البعض قــد راحت تبحث عن العمل
والبعــض تـبع امـــه تصلي مسربله
والبعــض نسمع عنه لخـــوانه قـتل
والبعض يدخــل سوق يرمي بقنبله
بعــدا يقضي العمر بالسجـن معتقل
مقيـــد اليـــــدين ورجـــــله مكبــله
مــن بعـــد ما صـــدق لشــلة الهفــل
اصبــح بلا صاحب ولا معـــه صــله
فــي ناس كــانو له اطباعهــم عسل
خــلوه وحـيد بالقلب همـــوم مثقله
والقــايــد اتخـــلا عنـــه ولا سئــــل
يمكــنه برعـــــه رقصــــه وزومـــله
ساكــن مـــــع اهلـــه مـرتاح بالفـلل
والشــعب يتمـنى خيــــمه مطــربله
ياشعبنا اصحــــوا وفكــــرو بحــــل
يا اهل الكــرم والجود واهل القبيله
وقفه على الظــالم كما الــذي رحـل
عســى يزين الوضـع بسنين المقبله
ادعـــــوك يا الله ياخــير مــن سُـئل
جنبنا الاشـــــرار والخــــير سهـــــله
قلم/توفيق المجعشي
ليست هناك تعليقات:
إرسال تعليق