ليه الفرح ليه اخر
وليه الحزن بيطول
لو نقول ونعيد ونزيد
ونجيب القصة من الأول
طول عمر الفرح قدامي
وعلي بابي وبيعدي
اناديلة اغنيلة مواويلي
اشاورله. يأشرلي
يعني بعدين ياسنة تين
لسه هستني سنين وسنين
وانا ماشي بقلب حزين
حزينة ياكتر احلامي
وليه الفرح عمره قصير
وليه الحزن بيطول
عدي عليا مرة واحدة
هي اللي فاتت عمنول
نقول الرواية من الأول
انا اللي عايش وحداني
في دنيا فيها خلق كتير
دي خلق مصالحها الأول
المهم ياخد منك ايه
قبل الحكاية ما تطول
واول سوق بيجي عليه
يبيعك انت الأول
اه يا عشرة غش في غش
اه يا خلق بميت وش
اه يا وشوش كالحة
ياريتني عرفت من الأول
بقلم
احمد محمود
من ديوان بنا حروف
ليست هناك تعليقات:
إرسال تعليق