فك إعتِكاف
قضّيت ساعات أنا كنت فيها مُعتكف
حاسيت بوحدة فيها يعني ومعتَرِف
فيه ناس كتير سألت أكيد وإتطمِنت
وفيه ناس كتير يا خسارة يعني للأسف
لا بيسألوا ولا لاحظوا حتى يوم غيابي
ولا حسّوا مرة بوحدتي ولّا إكتئابي
من وسطهم قررت أعلن إنسحابي
وأبدأ حياتي بشكل تاني مختَلِف
قضّيت ساعات أنا كنت فيها مُعتكف
من النهاردة خلاص بقى أنا مش هخاف
ولا هرضى إني أكون من الناس الضُعاف
من النهاردة خلاص راح أصدُر مية قرار
أول قرار هيكون بفك الإعتكاف
وأرجع وأمارس الحياة بكل ما فيها
وحياة جديدة لابد إني أبتّديها
أكيد مع الناس اللي وقفوا بجد جانبي
وأي ناس تانية خلاص راحت عليها
رغم إنّها كانت يدوب ساعات قليلة
لكن عرفت من خلالها حاجات كتير
فيها اللي باع وداس على العشرة الجميلة
وفيها اللي راح يفضل في عيني أكيد كبير
يعني المعاملة هتبقى نفس الشكل وأكتر
وإن كلامهم تاني مش ممكن يأثّر
وإن اللي عشت وكنت يعني كبير في عينه
ف أكيد هيبقى في عيني هوّه أكبر وأكبر
بقلمي عبدالحميد وهبه
ليست هناك تعليقات:
إرسال تعليق