قصــــه قصيـــرة
بعنوان "غدر الحبيب"
بقلمي اسماء ابراهيم
*********************
في ذات زمن بنى الله سورا حول قلبي فما عدت أشعر بشئ كل تلك الأمور التي تدور من حولي لم تعد تثير حزني خيباتي المتتالية آمنت بها وأصبحت في كل مره يخذلني أحدهم اعتذر لي بالنيابه عنه اقبض على قلبي واطبطب عليه اقول له لا بأس هناك اسوء من ذلك لا عليك سنعتاد الأمر ثم ننسي لن يصدق أحدهم أنه لم يعد في داخلي قلب يتحمل تراكم الاشياء من حولي أنفطر قلبي ولم اعد تكترث لذا لم اعد اشعر بشئ فهذه الخيبات تلاحقني تأذيني وتمضي....
ندي...تاني ياهنا لسه بتفكري في الإنسان ده حرام عليكي نفسك ده مايستاهلش زعلك انسيه بقي واحمدي ربنا أنه كشفه عشان ما تعشيش معاه في خداع وغدر.
هنا...مش قادره ياندى أنتي عارفه وليد كان حب عمري ومش مصدقه أنه غدر بيا وخاني.
ندى ...حقك عليه ياهنا والله ماكنتش حابه اعرفك حاجه بس مقدرتش اخبي عليكي وانا شايفه انك بتحبيه وهو ماقدرش الحب ده.
هنا... حبيبتي ياندي انتي مش اختي بس ده انتي صديقتي كمان وكنت هزعل منك جدا لو كنت عرفت من حد تاني وانتي عارفه وتخبي عليه.
فلاش باك...
&&&&---------
ندى كانت تجلس في احدي الكافيهات مع صديقتها وهناك شاهدت وليد زوج اختها يجلس مع فتاه
فسألتها روضه صديقتها ايه ده ياندى مش ده وليد اللي قاعد هناك ده ،استني انتي عارفه مين اللي قاعد معاها دي دي تبقي نسرين اخت نرمين صحبتي بس غريبه هما يعرفوا بعض منين.
ندى بشرود...مش عارفه بس ممكن تساعديني ياروضه وتعرفي من صحبتك ايه الحوار.
روضه..طبعا ثواني انا هكلمها قدامك واسمعي بنفسك.
ندى ..ماشي ياقلبي تسلميلي وقالت في نفسها تاني يا وليد مش هتبطل القرف ده وكل شويه تعرف واحده علي هنا...
روضه تتصل بنرمين هاي ياناني اخبارك وحشاني..بقولك اخبار نسرين هي اتخطبت ولا ايه اصل شوفتها من كام يوم مع واحد في النادي.
نرمين..اه ياحبيبتي ده وليد لسه متعرفه عليه وقريب اوي هايرتبطوا.
روضه...بجد الف مبروك مقدما اوعي تنسي تعزميني بقي سلام ياوحي..
ندي..يانهار ابيض معقول وليد يعمل كده في هنا دي ممكن تروح فيها.
روضه..انا بجد مش عارفه اقولك ايه بس لازم هنا تعرف كل حاجه.
ندى ..المشكله ان وليد له علاقات كتير وانا عارفه ومش عايزه اقول لهنا حاجه خايفه عليها انتي ماتعرفيش هي بتحبه قد ايه.
وبعد فتره كانت ندى تخرج من الكافيه وكان وليد يقف بالخارج يتحدث في الهاتف مع فتاه اخري وتقابل مع ندي وحدث بينهم حوار.
وليد..ندى انتي هنا من أمتي؟
ندى ..انا هنا من زمان وعارفه كل حاجه عنك كفايه بقي ياوليد ارحم عشان ربنا يرحمك كفايه خيانه وغدر
وليد بتوتر..ندى انتي بتقولي ايه انت فاهمه غلط انا بحب هنا ومقدرش استغني عنها وانا مستعد اقابلك بكره وافهمك كل حاجه
ندى ..من غير ما نتقابل ياوليد انا للاسف عارفه وفاهمه كل حاجه مش محتاجه افهم سلام ياوليد.
وتركته ندي وذهبت الي بيت اختها هنا
ووليد بعد أن ذهبت ندى أخذ يفكر في كلام ندي وهل من الممكن تكون تعرف حاجه عن علاقاته.
وصلت ندى الي بيت اختها طرقت الباب وفتحت لها هنا ورحبت بها
هنا...ندى حبيبتي ايه يابنتي اتأخرتي ليه كل ده انتي قولتي نص ساعه وجايه.
ندى ...معلش ياهنا والله قابلت روضه وقعدت معاها والكلام اخدنا.
هنا...اهاااا وهي عامله ايه والله وحشاني خلاص سماح بقي وانا هتصل علي وليد عشان يجبلنا عشا معاه.
ندى بسرعه لا لا مافيش داعي انا هاقعد شويه وهامشي علي طول.
هنا بإصرار لا طبعا مافيش الكلام ده وهانتعشا مع بعض ووليد يبقي يوصلك.
ندى بتوتر واضح لا مافيش داعي وليد يوصلني انا هاخد تاكسي بس اتصلي علي ماما عشان ماتقلقش عليه .
هنا باستغراب من توتر ندى ... عيوني حاضر وقامت هنا بالاتصال علي والدتها وبعدها بوليد وعندما علم وليد بوجود ندى بدأ بالتوتر والخوف بأن تكون قالت لهنا عن شئ ولكنه أيقن أنها لم تبوح بشئ لهنا لأنها اتصلت بيه وطلبت منه يحضر معه العشاء
وبالفعل اشتري وليد العشاء وذهب الي منزله وتناولوا العشاء وكان يظهر علي كل منهم التوتر ومعظم الوقت يسود الصمت بينهم وبعدها أصرت ندي علي عدم توصيل وليد لها.
وليد في نفسه ياااه يا ندى لو ماكنتيش اخت مراتي وبابتسامه شيطانيه بس ملحقوه
هنا....وليد حبيبي سرحان في ايه كل ده وكان مالك طول الوقت مش معانا ومتوتر كده ليه.
وليد...هااا لا يا روحي مافيش حاجه بس بفكر في شويه حاجات في الشغل لازم اعملها وقلقاني.
وبعد حديثهم أخذ وليد هنا في عالمهم الخاص .
وبعد عده ايام
قرر وليد أن يحصل على نسرين باي طريقه ولكن مع إصرار نسرين بعدم مقابلته لوحدهم وأنها رافضه طريقته طلب منها أن تحدد موعد مع والدها لكي يظهر لها أنه يحبها ويريد الارتباط بها ولكنه قرر في داخل نفسه أنها وسيله تتيح له الفرصه أن ينال منها....
وبعد أن تحدد الموعد قامت نرمين بالاتصال علي روضه لتخبرها بأن نسرين اختها سوف تقرأ فاتحتها علي وليد وعندما علمت روضه بذلك قامت بالاتصال بندي لتخبرها.
رن هاتف ندي وكان اتصال من روضه صديقتها تخبرها ان وليد حدد ميعاد ليذهب الي والد نسرين ليتقدم لخطبتها.
ندي..روضه انتي بتتكلمي بجد متأكده
روضه...اه والله ياندي نرمين لسه مكلماني وقالتلي أنه رايح عندهم بكره الساعه سبعه.
ندي...ماشي ياروضه كتر خيرك انك قولتيلي وانا مش هاسكت لازم هنا تعرف سلام دلوقتي.
وأغلقت ندي التليفون مع روضه وابدلت ملابسها واجرت اتصال بوليد وطلبت مقابلته
وليد..خير ياندي طلبتي تقابليني
ندي...وليد انت حقيقي هاتروح تتقدم لواحده اسمها نسرين
وليد...ندي انتي بتقولي ايه وعرفتي ازاي.
ندي...مش مهم عرفت منين المهم عايزه اعرف انت هاترتبط فعلا بواحده غير هنا.
وليد...اه ياندي في مشكله.
ندي...بجد انت انسان ماعندكش دم خالص وانا غلطانه اني اتكلمت معاك .
ذهبت ندي وقررت انها تعترف لهنا بكل شئ تعلمه عن وليد وبالفعل ذهبت لهنا وقالت لها علي كل شىء وأنه سوف يرتبط باخري واتفقت معاها ليذهبوا سويا الي بيت الفتاه لمواجهه وليد وان ينقذوا نسرين منه .
ثاني يوم ذهب وليد لبيت نسرين وقابل والدها وأثناء الحديث رن جرس الباب وقامت نرمين بفتح الباب وكانت مفاجأة للجميع بوجود هنا زوجه وليد واختها وحدث انها اعترفت أمام الجميع بكل علاقات وليد .
فرفض فورا والد نسرين وليد وقام بطرده من منزله وبعدها هنا طلبت الطلاق منه وذهبت الي منزل والدها مع اختها.
عوده مره اخري.
خلاص ياندي كل واحد راح لحاله بس انا مش زعلانه عليه انا زعلانه من نفسي اني لسه بحبه رغم كل اللي عمله ولكن مش هقول غير الحمدلله وربنا قادر زي ما زرع حبه في قلبي ينزع الحب ده..
يااارب انت كريم وقادر على كل شئ.
اااه من غدر الحبيب الذي يترك فينا اثر لا يمحوه الزمن فلو بإمكاني أن انزع قلبي بيدي لنزعته فلعنه الله علي قلب أصم لا يتعلم من خيباته.
#تمت
