حس بغيابك بعد أمّا غيبتي
ليه وإنتِ جانبُه ماعرِفش قيمتِك
بين يوم وليلة لمّا بِعدتي
كده مرة واحدة حس بغلاوتِك
معقول بقى ما أخدش باله
غير لمّا ضِعتي من إيديه
فضلتي قاعدة عمر بحاله
دايماً قُباله وقصاد عينيه
إيه اللي فجأة يعني جراله
وإيه اللي غيّر طِباعه فيه
جايز يكون حس بفراغ
أول ما فتّح ومش لقاكي
حس بإن العمر ضاع
في كلام كتير وخِلاف معاكي
لمّا خلاص قولتي وداع
يومها أكيد حس بهواكي
بعد أمّا غِبتي وبعدتي عنه
حس إن سِبتي فراغ كبير
نسيتي نفسِك في القرب منه
وإدّيتي من عمرك كتير
فيه حاجات كتير مانحسّاش
ولا حتى بنقدّر تمنها
قدام عينينا ماشفنهاش
ولا شفنا غير الحلو منها
العمر كله ضاع بلاش
ولا كلمة حلوة إتقال عشانها
بعد أما بِعدوا أكيد وراحوا
باقينا نحتاج للحنان
قلبي وعيوني بجد ناحوا
لكن خلاص فات الآوان
مابقاش يفيد نطلب سماحُه
ما هو كل وقت وله أدان
بقلمي عبدالحميد وهبه
ليست هناك تعليقات:
إرسال تعليق