مسرحية زواج
في زمن الكورونا
ــــــــــ 1 ـــــــــ
زواج الفراعين
الأولي
بقلم
أحمد النجار
مصر
واضح لمن لديه ذرة عقل أن زمن الكورونا
سيطول بنا إلي ما شاء الله ....
قد تستمر الكورونا في ضيافتنا خمس سنوات أو عشر سنوات أو عشرين سنة أو
ثلاثين سنة أو أربعين سنة أو خمسين سنة أو قرن كامل !!
الله أعلم ....
منظمة الصحة العالمية في حيرة كبيرة من هذا الوباء الرخم !
لا يريد أن ينتهي ... قتل الآلاف من البشر وما زال ..!
الصين وبريطانيا ودول أخري اكتشفوا لقاح
للتطعيم ضد كوفيد 19 ....
سارعت أم الدنيا بتوفير اللقاح لشعبها مجانا ، استوردت مصر ملايين اللقاحات من بريطانيا والصين للحفاظ علي شعبها من الفناء بالوباء القاتل !
مع أنه ألموتي من الــ 120 مليون مضري حتي الآن لم يتعد 14000 ألف فرعوني !!
لكنها أم الدنيا تحب شعبها وتحنو عليه وتحافظ عليه .... تمام ...
لكن شعبها نفسه لا يحافظ علي نفسه !
وظهرت شائعات باطلة عن لقاح الكورونا
المجاني ، وانتشرت الشائعات أكثر بين
ربات البيوت !
حقيقي الجهل عدو الإنسان !!
موضوع الزواج في أم الدنيا معقد جدا ، وفي زمن الكورونا أصبح أكثر تعقيدا !
العوانس والعانسات وصل عددهم في أم الدنيا إلي 15 مليون عانس وعانسة !
لكننا في مسرحيتنا لن نطرح عليكم الزواج في مصر فقط ، بل سنطرحه في جميع الدول والممالك العربية والإفريقية المتهالكة !
إذن مسرحيتنا شاملة وقد تكون طويلة وطبعا الأسماء الواردة فيها من بنات أفكاري ...
يعني من وحي الخيال ... واضح كدة !
ولا دخل لها بالسياسة الله يلعنها في كل مكان وزمان .... كويس كدة .... واضح .. تمام !
ــــــــــــــــــــــــــــــــــــــــــــــــــــــــــــــــــ
شخصيات مسرحية الزواج في زمن الفراعين ...
ــــ أم حسين .... والدة العريس
ــــ حسين ..... طبيعي يبقي العريس
ـــ أبو حسين ... طبيعي يبقي أبو العريس
ـــ خديجة ...... تبقي أخت العريس
ــــ عباس الناصح .... أخو العريس
ــــ ست البنات .... تبقي العروسة
ـــ أم ست البنات .... واضح أم العروسة
ـــ أبو ست البنات ..... تمام أبو العروسة
ـــ سعاد .... أخت العروسة
ــــ زمزم ..... اخو العروسة
ـــ سعدية المفترية .... خالة العروسة
ـــــــــــــــــــــــــــــــــــــــــــــــــــــــــــــ
ينفرج الستار علي خشبة المسرح ، تظهر أمامنا أم حسين والدة العريس .....
أم حسين : يعني يا حسين مصمم تتجوزفي
الأيام السودة دي ، يا بني
الكورونا دي غول ها يفترس
الناس كلهم ....
حسين : يا ماما خايفة من إيه !
من الموت !
الموت بداية الحياة الحقيقية يا ماما
يعني دلوقتي مات 14000 ألف بس
طيب عارفة أن أموات حوادث الطرق
تخطي عددهم 100000 ألف بني آدم
كل سنة فرعونية !
أم حسين : والله كلامك صحيح يا بني
بس الناس هي اللي خايفة
حسين : بس أنا مش خايف ، المهم اتفقتم
مع أم العروسة علي الشبكة بكام
ام حسين : العروسة نفسها مصممة تكون
الشبكة مش اقل من
100000 مائة ألف جنيه !
حسين : معقول ست البنات قالت كدة !
وأنا أجيب لها 100000 منين
أنا لازم أتكلم معاها في الحكاية
دي .....
ست البنات : عايز إيه يا حسين !
100000 ألف كتير عليا
يعني أنا اقل من فيفي بنت
عمي ، وسوسو بنت خالتي
وبهية جارتنا !
حسين : حبيبتي ست البنات إحنا مالنا
ومال فيفي وسوسو وبهية ، إحنا
دلوقتي في ست البنات العاقلة
الكاملة ، اللي عارفة إن جرام
الذهب النهاردة تخطي 1000 جنيه
منحوس !
ست البنات : طيب عشان أنا بحبك بس
موافقة تكون الشبكة 50000
ألف جنيه ...
حسين : طيب ممكن تحبيني أكثر يا روحي
ست البنات : ممكن ، خلاص موافقة تكون
الشبكة 10آلاف جنيه بس !
حسين : الله عليكي ست البنات وست الناس
وست الكل .... الله عليكي ..
أم حسين : وافقت بجد يا حسين
حسين : آه طبعا ست البنات دي حبيبتي
يا ماما ....
ام حسين : أه يا خلبوص ، عملت في البنت
إيه يا حسين ... سحرتها !
حسين : بس ربنا يسترها من أخوها زمزم
وخالتها سعدية المفترية !
ام حسين : ولا يهمك يا ابني ، بلا زمزم
بلا سعدية ، ربنا معاك
حسين : واتفقتم يا ماما علي العفش
ام حسين : أبو العروسة كان مصمم أن
الجهاز يكون خمس حجرات
كاملين من كله !
حسين : خمس إيه ؟!!!
ام حسين : لا بس أبوك مش سكت علي
الكلام العبيط ده ... ومن هنا
لهنا تم الاتفاق علي ثلاث
حجرات فقط ، والمطبخ وخلافه
علي العروسة ست البنات !
خديجة : كويس قوي يا اونكل حسين ،
وحفلة الزفاف ها تعملوها فين
حسين : زفاف إيه وحفلة إيه قي زمن
الكورونا ... الناس مرعوبة من
الخوف والعدوى ، والدولة نفسها
منعت الأفراح في قاعات الأفراح
يعني أخرنا نكتب الكتاب في أحد
المساجد وندخل بسرعة ، يعني
علي طول !
زمزم : ينفع كدة يا ماما مش نعمل لأختي
فرح كبير ..!
ام العروسة : اخرس يا واد يا زمزم ، الناس
حوالينا بتموت وأنت عايز
تعمل فرح يا مجنون !
الفرح في القلوب ، ودا كفاية
قوي يا زمزم ...
زمزم : حاضر يا ماما ....
ام العروسة : أبو ست البنات ، إحنا نسينا
نتفق علي المؤخر يا راجل !
ابو العروسة : لا اطمئني أنا اتفقت مع أبو
حسين أن المؤخر ها يكون
150000 ألف جنيه ...
ام العروسة : ووافق يا أبو ست البنات !
ابو العروسة : في الأول تردد وراح اخذ
رأي حسين ، ومن هنا لهنا
اتفقنا يكون المؤخر 75000
ألف جنيه
ام العروسة : كويس يا أبو العروسة معقول
برضو ، المهم حسين يحافظ
علي بنتنا ويصونها ...
سعدية المفترية : ليه كدة بس يا أختي ،
انتم كدة بعتوا بنتكم
رخيص قوي !
ام العروسة : مين قال كدة ، المهم أن
عريسها راجل بجد ، إحنا
بنشتري راجل يا أختي !
سعدية المفترية : طيب انتو أحرار يا أختي
سعاد : مبروك يا ست البنات عقبالي
يا رب .....
ست البنات : عقبال فرحك يا سعاد ....
عباس الناصح : حظك بمب يا حسين ..
وفرت علي نفسك تكاليف
قاعة الأفراح وكله ببركة
الكورونا ، ربنا يديمها
نعمة علينا يا رب ...
حسين : فعلا يا عباس الكورونا دي مش
وباء ، دي نعمة غيرت مفاهيم
المصريين عن الجواز ، عقول
الناس صارت أكثر وعيا ، وعادات
كثيرة تبدلت للأفضل ....
ربنا يخلي الكورونا ويديمها
علينا نعمة ...
عباس الناصح : آمين ... أمين ... مين ..
ــــــــــــــــــ النهاية ويسدل الستار ـــــ
ـــــ الحلقة القادمة بعنوان ..
الزواج في مملكة
إسواتيني الإفريقية
ــــــ متي موعد الحلقة ......؟؟؟؟؟
ــــــــــــــ الله أعلم ـــــــــــــــــــــــــــــــــــ
أحمد النجار
مصر
