قهر الرجال
قهر الرجال دا مولد
وزباينة ناس جدعان
الكل شايل في همومه
ورميها علي الرحمن
شيال. الحمول من يومة
ما يشيلها ندل جبان
كريم الأصل طول عمره
ويتاجر مع الرحمن
ولما الدنيا غدرت بيه
وضهره صبح عريان
بالملح. يأكل لقمتة
ولا يمدهاش لجبان
ولما تنزل دمعتة
نار تكوي كل جبان
تشوفة الناس بتحسده
وينام الليل وبطنة جعان
تشوفة حتي في. هيئتة
عزيز النفس كالفرسان
ولما يبقي في وحدتة
بيدور علي. حضن امان
يداري فيه دمعتة
مع صرخة تهد جبال
ومهما كانت قوتة
في الأخر هوا انسان
انسان وراضي بالمقسوم
وبعد الليل نهاره يبان
عايش وراضي بالمقسوم
وعشمه كبير في الرحمن
المولي ينور سكتة
وما يحوجوش لندل جبان
ويرجع تاني لدنيتة
حامد وشاكر للرحمن
بقلم
احمد محمود
من ديوان بنا حروف
ليست هناك تعليقات:
إرسال تعليق