أبي
لساني مكاني واقف
عاجزة بدونك خطوتي
انا يابة زي ماانا
من يوم ماسبتني
انته يابة اللي قولتلي
اقعد استناني ياابو الطيابة
مين غيرك في الشدة
عليه ااجري واتسند
كنت في عز ضعفي
تحت باطك و في براحك
ادخل ارتاح واتمدد
يااااااااه يابايا
لما كنت علي ايدك برتمي
وتقولي افرد طولك ياض
قبل ماقع بدراعاتك تصدني
وبالتانية تصلب قواي الهزيل
وانتة عليك بتشدني
عايز ترفعني تقويني
نفسك ماحد يزلني
كنت بفرح بيك يابه
وانتة عني تبعد الاذي
جوة حضنك تخدني
وفيه احتمي
-----------------------
لساني يابة فاكر
كل خطوة من خطوينا
لما كنا جنب بعض بنمشي
كنت جوة عينك بالمح
فرحتين فرحة اني كبرت
وبقيت جوارك برمح
التانية فرحة غمرها الحنين
لما بتشوف خطوتي
ونفسك تشوفني بسابق الزمن
والقاك بتدعيلي
عايزني اكسر حاجز السنين
ياما كنت بشوف ف عينك
دمع حزين
وانته بينك وبين نفسك
تقول نفسي اشوفك
تكبر ياولدي
مايهزمش هرمك
كتر السنين
نفسي اشوفك ياواد
راجل وسيد الرجالة
راجل وملو هدومك
قبل ماتجري بينا السنين
واديني كبرت يابه
وشب عودي الاخضر
بس يابة عودي انكسر
وطلع ماحني بعد ماصابة
الالم والمر
وكسر حزام الدهر
فراقك يااغلي الغالييين
---------------------
شوفت يابة العمر
جري بينا ازاي
والسنين اتفرفرتط
سنه ورا سنة
ومن غير مانحس بالي دار
واللي حوالينا بيدور
اهو ضاع العمر والصحة
انتزعتها منا ايام الشقا
من بين ايدينا
وتاهت منا فيها خطاوينا
بعد ما علينا علمت
وسابت ف الوجوة علامات
قولي يابة ليه مشيت
وقلت عدولي وعديت كتير
ماخليت سنين فاتت
و ليها بالورقة والقلم
وكلة كلة بالحساب كريت
وانتة لحد وقتنا هذا روحت
ولساك ماجيت
---------------------------
طب قولي اروح لمين
ومنة استفسر
وعليك اسأل بكلمة اه اولا
اهو يجاوبني علي سؤالي
مش اكتر
وليه علي الاجابة ماامنين
عجزوا بالجواب
زي مايكون الكل عليه
مستكتر
اني اعرف انت روحت
فين وسيبني وحداني
ماتقولوا الحقيقة لو مُرة
قولوها وريحوا بالي
قولوهالي بالمرة
علية ليه بتخفوها
ماتخفوش
هو قالي رايح وليك جاي
الكل بيقول انة اللي بيروح
مستحيل هايرج هنا تاني حي
قولت ازاي طب هو قالي
شوية وجاي
هو انتة يابة ناويت معاية
تخلف وعدك لية ومش جاي
انته يابة ماتعرفش انتة
بالنسبالي اية
ودنيتي وحياتي
من غير وجودك فيها عاملة ازي
انتة يابه عندي غالي
واغلي من روحي لنفسي
انتة يومي وليلي ونهاري
انته صبحي وامسي
من يوم ماسبتني
انا ودمعي بقينا اصحاب
بقا ملازمني بعد نورك
ماعني وعن الدنيا ماغاب
بغيابك الحياة صبحت مرار طافح
و لونها دمار كاسح
انته يابة ......انته يابة
ليه مشيت وسيبتني
هو انته يابة نسيت
اني من غيرك ماليش صيت
وهاكون بعد منك
في الدنيا وحداني
يابة غيابك علي صعب
و صعب اني اصدقة
ولاقادر استوعب
اني افتح عيني مااشوفكش
واقف جنب مني وقدامي
مش معقولة ولاقادر
اساير نفسي
لو بيني وبين نفسي
قولي يابة
اني بحلم وموتك زي كابوس
بالنسبالي ف حلم انا شوفتة
قولي يابة صرحني و ماتخبي
غيابك عني بيعذبني و لامعقولة
انك يابة لية تسيبني من غير ماشوفك
وتشوفني
غيابك يابة خلاني عمال شمال يمين
كل مابص عليك وادور
بالقيك واقف قدامي بتندة بعلو صوتك
و علية وبتشاور
بس حاسس ان بيني وبينك الف سد
وسور منعينك ومنعني اننا لبعض نوصل
شايفك وانته بتبص لي وبتضحك
هي نفس الضحكة الصافية اللي طالعة
من القلب دافية اللي كنت بتضحكها
ز مان تجلجل بصداها في المكان
روحت يابة وراحت ايامك
صحيح مش باقيلي منك غير شوية صور
م تعلقين فوق حيطان الزمن جوة اوضة
ومتربس عليهم دولاب الذكريات
كل ليلة بقعد معاهم شايفيني وشايفهم
ليلاتي بالساعات بكلمهم وباسمع
معاهم صوتك اللي لسه صداه ف وداني
لسة هدومك متعلقين علي الشماعة
بحطة ايدك فيها ريحتك
حتي السبحة وطاقيتك والعصا لساني
سايبهم مكانهم يعطرولي المكان
ويصبروني عن غيابك طول الزمان
ماتتصورش يابة كلما الف وادور القاك
بتلف وراية ف المكان حاسك بتلعبني زي زمان
وكاني بسمع صوتك بيرن عندي في الودان
نفسي ابص يابة القيك قدامي
وجوة حضنك تخدني زي زمان
لجل ماارتمي جواة واحس فيةبالراحة
والحنان وجواه القا الامان اللي غاب عني
وسابني بعد من زمان
نفسي يابة اشوفك تاني
و مع بعضنا ناخد وندي في الحديت
واحكيلك ومني تسمع علي كل حاجة تعباني
نفسي تيجي تاني ومع بعض نقعد
و تسمعلي وبنصايحك تقولي وتفهمني
ع الصح اقوم اعملة
والغلط ابعد عنة وله مرجعلهوش تاني
بحبك يابه بحبك بجد
مش مجرد كلام دا حقيقي والله بجد
ماعدش ليه بعدك حبيب ولاعدش
حد يخاف عليه ويودني
انتة اللي كنت وقت الشدة حيطي
اللي كنت عليها اتسند وتصدني
كنت ابقا جايلك بحمول كتير
كانت تعباني بتهدني
بكل حكمة وقلب طيب بتقابلني
تشيلها عني وتزيل همومها عن كتافي
مين بعدك انته اروح و ارمي حمولي
انته اللي جوة صدرك كنت برتمي
محوطني باايد تطبطب
والتانية كانت ليك بتضمني
قولي يابة بعدك اروح لمين
ولابعدك مني فاضلي يودني
بعدك انته يابة راحوا الحبايب
ماعدش ومافيش لاعم ولاخال
ولاحد عاد بيزق بابنا
اللي علينا اتقفل ضبة ومفتاح
حتي اللي كانوا مني
قالوا سيبنا بحالنا عشان نرتاح
اه يازمان اسي وكداب
بعد اللمة اتفرقنا وبقينا لبعض
يانااااااااااس اغرااااب
ماعدش فينا حد بيسال ع التاني
كل واحد بيقول لتاني
كفاية علي حمل نفسي وانساني
شوفت يابة بعد غيابك
ع نصايحك غطينا وانكشفنا
من بعدك واتعرينا
انته يابة اللي كنت بتحوط علينا
وبتلمنا حواليك بشخطة
وبتعرفنا من بصتك ف عنينا
وكان الكل لكلامك يسمع
وامرك مطاع لوقلبنا
للكلام رافض وبيدمع
روحت يابة وراحت سنينك
ولديابة مابيرحموش تركتنا
نسيوا العيش والملح
ماافتكروش انك لجرحهم
كنت بطبب وداوي
كان نفسي وكمان منايه
انك تكون يابة لساكٍ معاية
وايدك ماتسبش يوم ايدي
وتخدني طير بيه
وانسى وياك كل الاسية
اللي شوفتها في حياتي
من ايامي النكدية
اللي كلها معاندة معاية
ووقفالي ع الوحدة
نفسي تشوف بعينك
كل الحكاية وازاي وصل حالنا
وبقينا بعد اللمة اغراب
تايهين وماشين في سكة خراب
الكل فيها بيجري ورا سراب
انا عارف يابة انك باحوالنا داري
وللي احنا فيه شاف وبداري
ادعيلنا يابة بالهداية
يمكن ترجع عقولنا ونعرف لها نهاية
يارب برحمتك ارحمنا
وافتح ابواب رحمتك وفيها دخلنا
توب علينا ياتواب مالناش غيرك يارب
لنا افتح كل الابواب
يارب ارحم بعفوك ورضاك
كل من ف التراب سباقونا اليك
وانزلهم منازل الصديقين
وحسن اولئك رفيقا
وتوب علي كل من واقف علي الباب
مستني لحظة فراقة عن الاحباب
ف اللحظة اتية لامحالة
بقلم عبد المنعم مرعي
