شعر باللهجة العامية
فؤاد زاديكى
شَرْشَحْنَاهْ و بَهْدَلنَاهْ ... مِنْ سُورِيَّا قَلّعْنَاهْ
هالمُجرِمْ جَزّارْ الشَّعبْ ... حْسَابُو جَايِي يِسْتَنَّاهْ
عَلْ خِطِّةْ بَيُّو مَاشِي ... بالمَدفَعْ و الرَّشَّاشِي
اللهْ يِضْرِبْ نِيعُو ضَربْ ... إسْمِنْ آلِ الجِحَّاشِي
حافِظ. رِفْعَتْ و الجَزَّارْ ... إبْنِكْ يا حافِظْ بَشَّارْ
دَمَّرْ أرضْ و شَتَّتْ شَعبْ ... كِلْ هَمُّو سِلْطَةْ و دولَارْ
لَمَّا ضَاقِتْ عَلْطِيزُو ... و صِيصَانُو وِيزُو وِيزُو
شَمَّعْ خَيطُو. شَقّْ الدَّربْ ... صَوبِ الرُّوسِي عَزِيزُو
لَكِنْ والله شُو ما صَارْ ... لَيلِكْ ما بِيصِيرْ نْهَارْ
بِدِّكْ تِرْجَعْ مِتْلِ الكَلبْ ... تِدْفَعْ دَيْنِكْ يا جَزَّارْ
سُورِيَّا مِنِّكْ خِلْصِتْ ... كانِتْ مِنْ ظِلْمِكْ بِرْصِتْ
إنتْ وكِلْ هالإسمُو حِزبْ ... سِمْعِةْ سُورِيَّا جِرْصِتْ
بَعْدِلْ ما هَالحِكمْ اِنْهَارْ ... و انْكَشْفِتْ كِلِّ الأسْرَارْ
بانْ اِلظِّلمْ و قَهرْ و غُلبْ ... اللهْ لا يوفْقِكْ يا حْمَارْ
المانيا في ٢٨ ديسمبر ٢٤
ليست هناك تعليقات:
إرسال تعليق